تقليل الإغتراب

ان شاء الله هنتكلم عن تقنية البرومودورو او تقنية الطماطم

انا عارف الموضوع غريب شويه بس دي من افضل الطرق في اداره الوقت او انك تنجز كم كبير جدا في الوقت المتاح ليك هنحاول نركز الموضوع النهارده على المذاكره بس الطريقه دي تنفع مع الانجاز في اي حاجه في الشغل في اي حاجه تنفع الطريقه دي وفعاله جدا جدا اكبر تحدي بيقابل اي حد عايز يذاكر هي انك تقعد فعلا تذاكر

يعني المشكله كلها اول طلعة العربيه بتعملها من السباتبتحتاج جهد كبير جدا علشان تتحرك لما تتحرك الدنيا هتبقى سهله بعد كده فاهم الفكره ايه اللي بيعوقك انك تبدا هي اكثر الحاجات اللي بتعوق اي شخص ان هو يبدا مذاكره هي انه بيفكر انه هيذاكر ساعتين او ثلاث ساعات فعقلك عمال يكبر في الموضوع او يخوفك منه علشان ينجوا من المجهود الي هو هيبذله

 

 وانت تسمع ان في ناس بتذاكر 4 و5 و6 ساعات كمان فانت تقول فين الناس دي انت مبتقدرش تكمل ساعه على بعضها وبتكون حاسس ان انت مخنوق وعايز توقف مذاكرة

 

البرومودورو او تقنيه الطماطم اللي اخترعها واحد ايطالي اسمه (فرانشيسكو) ودي باختصار بتتلخص في ان انت بتجيب منبه وضبطه على 25 دقيقة وبعدين بتجيب ورقه وتكتب عليها مهمه واحده بس يعني انا في 25 دقيقه دول هذاكر المضارع البسيط او انا في 25 جنيه دول هذاكر اول فصل كيمياء وهكذا فانت بتحدد حاجة واحدة او مهمه واحده تركز عليها تقعد تركز على 25 دقيقة

 

بعد ال 25 دقيقة دول يخلصوا بتاخذ استراحة خمس دقايق هي المفروض من ثلاثه لخمس دقائق  بس يعني خليك كريم وبعدين بترجع تضبط 25 دقيقة ثاني وتكتب مثلا مذاكره الفصل الثاني من الكيمياء وهكذا 25 دقيقه وبعدين تاخذ استراحة بس تكون مركز فعليا يعني مفيش حاجه غير التركيز خالص لو حاجه في النص شتت تركيزك وفصلت عن المذاكرة متتحسبش وترجع تعيد من الاول كل حاجه ليها قوانين

 

بتفضل على النظام ده لحد ما توصل ل4 جلسات برومودورو وبعدين تاخذ استراحة كبيره شويه من ربع ساعه لنصف ساعه كده بالكثير يعني فك عن نفسك شويه وبعدين ترجع تبدا تاني

 جرب  تقنية الطماطم pomodoro technique

الموضوع قد يبدو ان هو ثقيل شويه وايه يا عم الكلام ده والتقنيه و كلام كبير جدا

بس جرب يعني انت مش هتخسر حاجه . الموضوع يعني عبقري وفي نفس اللحظه رائع ان انت تتخطي حاجز البدايه وان انت تقعد 25 دقيقه وفي نفس الوقت بعد 25 دقيقه دماغك مبيلحقش ان هو يفقد تركيزه وان انت تستيرح وبتقوم بيخليك تجدد نشاطك على ما ترجع مركز

 

وكمان التركيز بينزل مع الوقت فانت بتيجي على لما تبدا تفقد تركيزك وتخليه يطلع ثاني لما تريح الناس اللي بتقعد ساعتين متواصلة يعني كميه التركيز او الانتباه او التحصيل بينزل مع الوقت

 الكل اكبر من مجموع اجزائه

 فانت بس نفسك تروح تشحن وبعدين تيجي ثاني وخذ بالك يعني في قانون في علم النفس بيقول (الكل اكبر من مجموع اجزائه) انت ذاكرت 25د 25د 25د 25د الاربعه بومودورو تحصيلك في 100دقيقة احسن من تحصيل واحد قاعد 100دقيقه متواصلة

 

وزي ما قلت لك ان التركيز مع الوقت بيقل فلازم تاخذ راحة  وترجع ثاني وكمان هتلاحظ من الموضوع ده فرق كبير بالنسبه لك ان انت تبدا وبقى اسهل كثير بالنسبه لك انك تستمر وبمجرد ما بتبدا الدنيا بتمشي لوحدها ولو عملت دورة البرومودورو مرتين هيبقى 200 دقيقه

 

 200 دقيقه اللي هم اكثر من ثلاث وانت مش مضغوط او انت مش حاسس انهم ثلاث ساعات وتلاقي ان انت ممكن تذاكر ثلاث ساعات واربعة وتحس انه عادي يعني

 

 

كل الي انت محتاجه منبه او في تطبيقات برومودورو على البلاي ستور او الابستور ممكن تنزلها او تستخدم المنبه بتاعك بس يفضل طبعا لو انت هتستخدم تطبيق خلي التليفون في غرفة مختلفة علشان مفيش حاجه زي رساله واتساب او رساله ماسنجر تقطع تركيزك وتشتت عليك الموضوع وتفصلك

 

في النهاية 

ده  اختصار موضوع  تقنية الطماطم pomodoro technique اللي هي حاجه بسيطه جدا ولكن نتائجها مبهره فعليا

 

واخيرا الراجل سمى الاختراع تقنية البرومودورو او طريقه الطماطم لان المنبه اللي كان بيستخدمه هو عباره عن تايمر مطبخ على شكل طماطم