تقليل الإغتراب

فكره انك تذاكر اقل وتُحصل اكثر تحس انها خيالية زي انك تاكل كثير وتخس

لكن لحسن حظنا إن الفكره دي قابله للتطبيق وواقعيه جدا وده اللي ان شاء الله هنتكلم عنه النهارده

هو ازاي تذاكر اقل وتذاكر بذكاء يلا نبدا في بروفيسور محترم عمل محاضره ساعه بيتكلم عن ازاي تذاكر اقل وتذاكر بذكاء وان شاء الله المقاله دى ملخص المحاضره دي هي المحاضره ساعه بس احنا هنحاول نختصرها هنا بقدر الامكان علشان منطولش



انا اختصرت المحاضره في خمس نقط بس قبل ما نبتدي ارجوك او ارجوكي جيبوا نوت بوك وقلم وخذوا ملاحظات الكلام ده مهم جدا جدا جدا وبما انك بتقرا المقاله دى فمعنا كده انك مهتم بالموضوع ده فعلشان تاخذ اكبر فائده ممكنه هات ورقه وقلم و خذ ملاحظات علشان لما تيجي تطبق ميقعش منك حاجه

اول نقطه معنا هي الاستراحه والمكافاه

عملوا تجربه جابوا فيها طلبه الجامعه وقالوا لهم ذاكروا لحد لما توصلوا انكم تقروا الكلام بس مش مستوعبين اي حاجه بتحصل لنا كلنا ان احنا اول لما نبتدي مذاكره بنكون مركزين جدا واللي بنقراه بنستوعبه ومركزين بكامل قوانا ولكن مع مرور الوقت تركيزنا بيقل ال استيعبنا بيقل لحد لما يوصل لمرحله ان احنا بنقرا بس الكلام مبيعديش الاذن احنا بنقرا ومش مستوعبين اي حاجه


ونتيجه التجربه دي ان الفتره اللي الشخص بيقدر يركز فيها كويس ويفهم ويُحصل كويس هي من 25 ل 30 دقيقه علشان كده جلسه المذاكره بتاعتك ما ينفعش تتعدى الثلاثين دقيقه يعني تذاكر 30 دقيقه وبعدين تاخذ بريك بيبقى من خمس الى عشر دقائق بتعمل في حاجه ممتعه بتفرد ظهرك تريح عينيك تبص من البلكونه على الشارع يعني بتغير الجو وبتجدد نشاطك


بحيث ان انت لما ترجع ثاني علشان تذاكر 25 ل 30 دقيقه تكون مركز بالكامل ومركز جدا ومنتعش بس تجنب الثقوب السوداء اللي هي بتتسحب منك الوقت وانت مش واخذ بالك متخشش على فيسبوك وانت مش عارف انت داخل تعمل ايه يعني انت داخل تبص على رساله او تشوف كومنت وتطلع بس ما تخليش الوقت يسرقك او يفضل ان انت ما تروحش للتليفون خالص ابعده لحد لما تخلص كامل فتره المذاكره


انك تذاكر 25 من 30 دقيقه وتاخذ بريك احسن من حته انك تقعد ست ساعات متوصله مش منطقيه وغير عمليه ومش هتُحصل حاجه تمام دي اول نقطة

النقطه الثانيه هي مكان المذاكره

معظمنا بيذاكر في غرفته اللي هي اوضه نومه وغالبا معظمنا بيذاكر على السرير واحيانا بيذاكر في اوضه المعيشه او غرفة الجلوس كنوع من التغيير ممكن نذاكر على

طاولة السفره برده في بعض الاحيان

لكن ده للاسف غير صحيح بنسبه مئه في المئه ليه؟
لان دماغنا بيربط بين الحاجات دي وبين وظائف ثانية انت لما بتدخل غرفتك وتبص على السرير انت بتقاوم الرغبه في انك تنام وحتى وجودك على السرير اصلا وانت بتذاكر شويه بشويه بتلاقي نفسك بتريح شويه بشوية كده لحد لما تنام خالص وكمان وجودك على السفره بيفكرك بالاكل كل شويه تحس انك جعان وجودك وجودك برده في غرفة الجلوس او المعيشه انت بتقاوم انك تجيب الريموت وتشغل التلفزيون لان دي الحاجه المرتبطه بالمكان ده

انت ممكن تكون بتذاكر في الاماكن دي وعادي جدا بالنسبه لك لكن اللي انت متعرفوش ان انت بتستهلك جزء كبير جدا من تركيزك في مقاومه انك تقوم تعمل ساندويتش بما انك قاعد على السفره او انك تمدد او تريح على السرير بما انك قاعد في غرفة نومك او انك تجيب الريموت وتشغل التلفزيون وانت بتذاكر بس جزء كبير من تركيزك عمال يقاوم الرغبه دي يعني تبص للريموت وتقول لا لا انا هذاكر او تقعد على السفره لا اذاكر شويه وبعدين اعمل ساندويتش او في اوضه نومك تقول انا هذاكر شويه وبعدين انام القصه دي بتستهلك من تركيزك جدا

الحل انك تخصص مكان للمذاكره مكان خاص للمذاكره حاجه مقدسه لو انت عندك الامكانيه انك تخلي اوضه كامله للمذاكره بس يبقى مئه المية بس اعتقد ان معظمنا معندوش القدره دي فممكن نخلي طاولة خاصة بالمذاكره فقط ممنوع تعمل عليه اي حاجه خالص غير ان احنا لما نيجي نذاكر نقعد عليه لما نيجي نذاكر بس ما تحطش عليه الكمبيوتر بتاعك منحطش عليه هدومنا منحطش عليه الكمبيوتر او التليفون او اي حاجه زي كده هو للمذاكره بس

وفيه تجربه وعملوها برده في طلاب الجامعه الاوض بتاعه سكن الطلبه ضيقه جدا بتتحط فيها السرير و بيتحط فيها طاولة و بيتحط فيها كل حاجه الدولاب بتاعك وهدومك وكل حاجه بس ما عندوش الامكانيه اللي هو حتى يجيب ترابيزه اضافيه فكل اللي عملوه ان هم قالوا للطلبه يجيبوا لمبه مكتب وخلوهم يسموها لمبه المذاكره

دي تشغلها لما تيجي تذاكر بس انا دلوقتي جاي اذاكر اطفي كل الانوار وشغل اللمبه دي وذاكر بعد لما تخلص مذاكره اطفي اللمبه دي واكمل حياتك عادي جدا الفكره في الحاجات البسيطه جدا دي زي لمبه المذاكره مثلا اللي انت وانت مش واخذ بالك بتكون حافز لدماغك علشان لما تشغل اللمبه انت خلاص بتقول لدماغك انا خلاص دخلت في مود المذاكرة كمان انت بتكون عاده ودماغك بيحب العادات ساعه لما اشغل اللمبه انا دخلت في جو المذاكره خلاص مع الوقت الموضوع بيبقى اسهل بكثير و بيبقى ممتع اكثر لانك مش مطر انك تتعامل مع المشتتات اللي حواليك دي كلها انت دخلت في جو المذاكره فلو مش ممكن بالنسبه لك النت خلي طاولة مخصصه للمذاكره جرب موضوع لمبه المذاكره ده اعتقد هيفرق معك جدا

ثالث نقطه التعلم الفعال

دي نقطه دسمه شويه فحاول تركز معيا, لما تيجي تفتح كتاب اي ماده في استراتيجيه اسمها SQ3R بيقول لك لما تيجي تذاكر اي ماده ابدأ تصفح الكتاب من الاول الى الاخر بص على الصور بص على رؤوس العناوين على عناوين الفصول الكلام ده هيكون عندك تساؤلات هو الكتاب ده بيتكلم عن ايه هي الصوره دي بتعبر عن ايه هو العنوان ده معناه ايه فلما تيجي تذاكر بقى فعليا انت دماغك بيدور عن اجابات الاسئله الي كونتها قبل كده هيخلي الموضوع اسهل بكثير من انك عمال تعبي معلومات على الفاضي او انك بتعبي معلومات انت مش عارف ايه فائدتها فحته انك تتصفح الكتاب دي مهمه جدا



انك تقرا وتحاول تتكلم بصوت عالي بحيث انك تفهم نفسك

والمراجعه بتبقى قبل الامتحان نيجي بقى لما تيجي فعلا تبدا تذاكر الحاجات اللي جوا الكتاب الحاجات دي مش هتخرج عن حاجتين اما انها حقائق او انها مفاهيم هديك مثال الحقيقه ان مطلوب مننا نحفظ بيت شعر اسمه (غدائره مستشزرات الى العلا فضلوا العقاص في مثنى ومرسل لك) مطلوب منك انك تحفظ الشعر ده



طبعا الكلمه الكلمات مكلكعه وانت مش فاهم منه اي حاجه انت لو حفظته كده من غير لما تفهموا انت كده عرفت الحقيقه بعد اسبوع او اسبوعين من دلوقتي غالبا هتنساه



المفهوم بقى اللي انت تبدا تعرف البيت ده بيتكلم عن ايه تعرف قصته الشاعر بيوصف ايه بالضبط لما المدرس شرح لنا ان الشاعر بيوصف شعر الحصان بتاعه انها (غدائره مستشزرات الى العلا فضلوا العقاص في مثنى ومرسل لك)

ان انت لو مررت يدك فشعر الحصان يدك بتغوص وبتختفي ده دلاله على غزارة الشعر وجمال الحصان فانت بدأت دلوقتي تفهم فعلا الحاجه دي بتتكلم عن ايه



طب مهم جدا انك متخدش الحاجه دي اسطمبه وتحفظها وخلاص لا لازم تعرف اللي وراء الكلام ده ايه او تعرف المقصود بتاع الحقيقه دي ايه ودي حاجه اسمها المعالجه العميقه



ان انت تاخذ الحاجه وبتعمل لها معالجه وبتشوف القصه بتاعتها ايه وتشوف احنا هنستفيد منها ايه طيب احنا نتعلم الكلام ده ليه طيب دي جايه مثال على ايه, كل الكلام ده بيساعد دماغك ان هو يربط الكلام جامد جدا في المذاكره وميكرهوش مهم جدا انك متخدش الحقائق بس اعمل لها معالجه علشان ما تنساش



مثال اخير هيوضح لك جدا ايه هو المعالجه العميقه و هيخليك فعلا تستوعب المفهوم ده انت وانت بتذاكر ممكن تلاقي مثلاً سبع نقط او مصطلحات وعايز تحفظهم فبتاخذ اول حرف من كل نقطه وتحاول تجمعهم وتعمل بهم جمله مفيده او كلمه هو ده المعالجه العميقه فداه بيسهل عليك ان انت تتذكر المعلومه بكل سهوله ده اللي هو المعالجه العميقه اللي هو بتاخذ حاجه وتكون منها حاجه تانية علشان تفتكرها بسهوله

رابع حاجه هي علم الاخرين

في مقوله بتقول (افضل طريقه علشان تتعلم حاجه علمها لحد ثاني) حاول تشارك اللي انت بتتعلموا مع الناس اللي حواليك يعني مثلا تعلمت النهارده ان سرعه الضوء 300000 كيلو متر في الثانيه ممكن وانت قاعد على الاكل تقول لوالدك انت تعرف ان سرعه الضوء 300000 كيلو متر في ثانيه ممكن برده تقول له ان السرعه دي بتخلي الضوء يقطع مسافه دي من الارض للقمر في 1.3 ثانيه وده قليل جدا على حاجه انها تقطع المسافه دي كلها فالوقت ده فانت دلوقتي شاركت معلومتين من خلال المعلومتين دول كمان ممكن تستنتج المسافه ما بين الارض والقمر مش مضطر تحفظها



في حته ان انت لما بتشارك اللي انت بتتعلموا او اللي بتعرفه مع اللي حواليك بيثبت المعلومه عندك انت اصلا ده هيودينا لنقطه:

المذاكره الجماعيه

طبعا دي حاجه سمعتها سيئه جدا عندنا لان احنا طبعا لما بنتجمع مع بعض بنلعب بلاي ستيشن بنلعب اي حاجه بنتكلم على الناس بنعمل اي حاجه غير المذاكره لكن لو انتم تجمعتم مثلا في المكتبه او في مكان اساسا بعيد عن المرئيات او المشتتات دي المذاكره فعلا بتديكم فرصه انكم لو حد مش فاهم حاجه يشرحها الثاني وهيبقى في محادثات اكثر بحيث انكم في نفسكوا المعلومات عندكم بتثبت اكثر القطه مهمه جدا اللي هي اللي تتعلموا علموا للناس شاركوا مع اللي حواليكم او شوف مجموعات مذاكره او في ناس بتذاكر مع بعضها او لو الموضوع ده مشهور حواليكم حاولوا ان انت تعمل حاجه زي كده



الفكره دي او انت و كذا واحد صاحبك عايزين تذاكريوا بس مش عارفين طيب ايه رايكم نتجمع في المكتبه ونقعد نذاكر الماده ديه سوا او الفصل ده هتفرق جدا انا جربتها قبل كده وفرقت معي جدا اتمنى ان انت ما تكونش زهقت خلاص وصلنا لاخر نقطه اللي هي


فن الاستذكار


ومعناها اي نظام يساعدك في تحسين التذكر بشكل اسهل هاقول لك مثال هيوضح الفكره دي جدا لو قولنا ان الثلاثه اللي تخلفوا عن غزوه تبوك هم


1-مراره بن الربيع

2-كعب بن مالك

3-هلال ابن أُميه

تمام قعدنا نحفظ الثلاث اسماء دول وحفظنهم ولكن بعد اسبوع من دلوقتي لو سالتك مين الثلاثه اللي تخلفوا عن غزوه تبوك ممكن ما تفتكرش الا كعب ابن مالك بس مراره بن الربيع و هلال بن اميه ممكن يسقطوا منك الفكره بقى في انك بتحاول تربط الاسامي دي بحاجه اسهل انك تتذكرها مثلا هناخذ اول حرف من كل اسم ميم كاف هاء ونجمع بيهم كلمه مكه مثلا لما تيجي تتذكر ميم مراره بن الربيع كاف لكعب بن مالك هاء لهلال بن اميه



مثال ثاني للناس اللي بتدرس رياضيات عندنا في الدوال المثلثيه اربع تربع في كل ربع من دول كل داله بتبقى موجبه في الربع الاول كل الدوال بتبقى موجبه في الربع الثاني جيب الزاويه في الثالث ظل الزاويه في الرابع جيب تمام الزاويه صعب انك تحفظها بالطريقه الرسمه دي اخترعنا حاجه اللي هي (كل جبار ظالم جته داهيه) عارف انها مضحكه شويه بس ده فعلا بيساعد انك تتذكر الموضوع ده فاول ربع كل, ثاني ربع جبار جا, ثالث ربع ظالم ظل, اخر ربع جته اللي هي جاتا, صعب انك تنساها بالاسلو ده او بالطريقه دي دماغنا بيحب الحاجات دي جدا فحاول تلخص او تختصر المعلومات الكبيره دي في كلمات او في اغاني او في حاجه ممتعة كدا بحيث انك تتذكرها بسهوله تحاول تضبط حاجات تمشي مع بعضها علشان توصل لحاجه سهله تقدر تفتكرها وابحث عن الحاجات اللي بتساعدك في فن الاستذكار تمام كده خلصنا


الختام

لازم تنام كويس دماغنا بيطبخ المعلومات اللي احنا بنخدها طول اليوم واحنا نائمين لو منمناش كويس كاننا مذكرناش اصلا النوم شيء مهم جدا جدا حاول على الاقل تنام من سبع لثمن ساعات نوم





اتمنى ان المقاله ما تكونش طويله بالنسبه لك وتكون فعلا مفيده وان انت تكون فعلا اخذت الملاحظات واتمنى ان المذاكره تبقى اسهل بكثير بالنسبه لك وانك تقدر تذاكر بذكاء اكثر