المقاله دى هنتكلم فيها عن امريكا بالتحديد عن اكثر ولايتين فيهم عرب في امريكا كاليفورنيا و نيويورك
نيويورك في شرق امريكا و اكثر ولاية فيها عدد سكان، واحد من كل 38 امريكي ساكن في نيويورك ، من كثر المباني العالية الموجودة هناك مسمينها الغابة الخرسانية ، أشهر الشوارع في نيويورك هو وول ستريت ده اللي كان فيه برجين التجارة وبرده فيه مقر الامم المتحدة .
أشهر احياء نيويورك
هم بروكين و كوينز، اكثر مكان الناس بتروح امريكا علشان تزوروا هو حي منهاتن واحسن طريقه علشان تكتشف بها مانهاتن وتلاقي فيها كل الحاجات اللي تعجبك انك تتمشى على رجلك وتبص حواليك فيها مطاعم وكافيهات كثيرة جدا وجميله جدا مش هتعرفها غير لما تتمشي وتزورها بنفسك اتمشى مثلا في التايم سكوير شف الجرافيتي اللي هناك بتاع محمد صلاح اللي رسم الجرافيتي ده فنان امريكي رسموا قبل كاس العالم 2018 بعد تألق محمد صلاح في كأس الامم الأوربية.
مبنى الأمباير ستيت
كمان هتشوف مبنى الأمباير ستيت مش هينفع تتخيل ناطحات السحاب اللي في امريكا بدون الأمباير ستات المعمول بطراز اسمه ارت ديكو وأخد 400 يوم بس علشان يتبنى، ممكن تعدي على كوبري بروكلين الكوبري بيوصل بين بروكلين ومنهاتن الكوبري ده معمول سنه 1883 م، في سنه 1884 يعني بعد لما الكوبري اتبنى بسنه الناس كانت خايفة تعدي عليه فالولاية جابت 21 فيل علشان يمشوا على الكوبري ويثبتوا للناس ويثبتوا لنفسهم ان الكوبري ده سليم ويستحمل.
 |
| كوبري بروكلين |
مبنى كرايسلر
ممكن تشوف برده مبنى كرايسلر وده برده برج معمول بفن الارت ديكو زي الامباير ستات، بس أتبنى سنه 1930 وهو فعلا بتاع العربيات الكرايسلر، بس ناطحه السحاب دي معموله من الطوب ودي اطول ناطحة سحاب في العالم معموله من الطوب، والبرج ده قعد اطول ناطحة سحاب في العالم لمده 11 شهر لحد لما بنوا الأمباير ستات.
تمثال الحرية
 |
| تمثال الحرية |
وده فرنسا هيا اللي أعطيته لامريكا مش امريكا هي اللي بنياه، الفرنسيين بنوه في تسع سنين و طوله يوازي مبنى من 31 دور و موجود علي جزيرة لوحده في خليج الحرية ودي موجودة قريب جدا من منهاتن وبروكلين، التذكرة ب28 دولار ونصف علشان تطلع لحد التاج اللي فوق وتشوف نيويورك كلها من فوق.
السنتر بارك
في بقى السنتر بارك اول حديقة تتعمل في نيويورك سنه 1876 يعني حاجة من زمان جدا، وهي اكبر حديقة عامه في نيويورك، عمرك ما هتزهق ابدا في نيويورك هتلاقي حدائق عامه هتلاقي سينمات مسارح ومكتبات وشوارع حلوه تتمشى فيها برده اكل حلو من الشارع تاكله فاتحين لحد متاخر جدا او احيانا ما بيقفلوش أصلا.
المواصلات العامة
المواصلات العامة كويسة جدا في نيويورك وبتروح اي حته انت ممكن تتخيلها في نيويورك، الصب واي هو اكثر حاجه انت هتركبها هناك شبه المترو عندنا في القاهرة، ممكن برده تجيب كارت اسمه مترو كارت تذكره المترو لمرة واحدة ب 2 دولار و 75 سنت.
الشوبينج في نيويورك
حلو جدا لأن ضريبة المبيعات منخفضة جدا، غالبا هتلاقي الحاجة بسعر مناسب فإعمل حسابك ان انت لو رايح نيويورك هتصرف كثير جدا على الحاجات اللي هتشتريها، كمان لو روحت تشرب قهوة في اي مكان هتلاقي القهوه باثنين ونصف دولار ولو هتاكل من ماكدونالدز وجبه بيج ماك هتبقى ب 4 دولار و 80 سنت، بس عموما لو رحت مطعم لازم تسيب بقشيش 15% من ثمن الفاتورة وده المتعارف عليه.
الناس في نيويورك
الناس هناك من كل الاجناس فيها مثلا اكبر عدد من الصينيين موجودين بره اسيا، نصف الناس اللي في نيويورك بيتكلموا لغات ثانيه غير الانجليزي 200 لغه ثانيه غير الأنجليزي، الناس دائما مستعجلين و متوترين لان المنافسة عالية جدا في الشغل وكل الناس لازم يشتغلوا بكل جهدهم علشان يفضلوا عايشين في نيويورك علشان ما ميطروش يروحوا اي ولاية ثانيه او حتى يرجعوا بلدهم، وعلشان كده نيويورك هي اكثر ولاية بتشرب قهوه و هم اكثر سبع مرات من اي ولاية ثانيه في أمريكا.
في نيويورك بقى من كل 21 شخص في واحد مليونير، وهي من اكثر المدن اللي في العالم اللي فيها مليونيرات، وخصوصا الناس هناك دماغها متفتحة وبيقبلوا لونك وشكلك ولبسك وتفكيرك.
عيوب نيويورك
1-من اهم عيوب ولاية نيويورك هو البرد نيويورك على حدود مونتريال في كندا.
2-في نيويورك مش هتلاقي ركنة لعربيتك ولو لقيت ركنه هتبقى غاليه جدا ولو ركنتها هتمشي كثير جدا علشان تروح المكان اللي كنت رايحه، بلاش عربية خالص مواصلات أحسن وكويسة جدا وكمان البنزين غالي فاشرب بقى.
3-الايجار في نيويورك هو الاغلى في امريكا مثلا لو عايز تجيب شقة ستوديو في نيويورك مش منهاتن طبعا ممكن في كوينز او بروكلين ب 1200 ولو شقه اكبر بقى هتبقى ب 3000 في الشهر، اما بقى لو في مانهاتن فهيبقى ب 2350 دولار اما لو شقه اكبر هتبقى 3400 دولار في الشهر.
4-في نيوريوك ما فيش احترام للمرور مقارنة بباقي الولايات في أمريكا.
ايه هي بقى الوظائف اللي تشتغل في أمريكا؟
اول حاجه خالص هو البياع اللي بيبيع قطاعي بياخذ في الساعه حوالي 17 دولار
ثاني شغلانه تشتغل في امريكا هو بتاع الكاشير بياخذ حوالي 16 دولار في الساعه.
ثالثا الناس اللى بتشتغل فى المطاعم بياخدوا حوالي 15 دولار فى الساعة سواء اللي بيحضروا الاكل او اللي بيسلموا.
رابعا الاعمال المكتبية بياخدوا حوالي 20 دولار في الساعه.
خامس حاجه هم الممرضين و بياخدوا في الساعة 33 دولار بس طبعا التمريض له وضع تاني عن التمرض في مصر.
الأرقام ديه مش دقيقة قوي وده المتوسط مش اكثر.
ندخل بقى على كاليفورنيا.
 |
| كاليفورنيا |
كاليفورنيا بقى فيها لوس انجلوس وهولود وسان فرانسيسكو و ديزني لاند، وبرده هي من ازحم الولايات اللي موجوده في امريكا و موجوده في الغرب على المحيط الهادي.
ايه مميزات كاليفورنيا
الجو حلو ودافئ طبعا في برد بس معظم ايام السنة بيبقى حلو ودافي، طبعا ده بيخلي الناس ما تقعدش في البيت بيطلعوا الجبل يروحوا البحر يخرجوا يروحوا اي حته المهم ما يقعدوش في البيت، فيها خروجات كثير مولات وشواطئ وفيها طبعا ديزني لاند، ممكن تروح سان دييغو في الجنوب وفيجاس قريبه منها اربع ساعات سواقه.
الأكل متنوع جدا وحلو لو انت نباتي هتلاقي حاجات تناسبك ولو انت اورجانك هتلاقي برده حاجات تناسبك.
أسعار الايجار في كاليفورنيا
برده غالية زي نيويورك بس مش غالية قد نيويورك يعني الفلوس اللي كنت هتجيب بها استوديو في نيويورك هتجيب بها شقة صغيرة في لوس انجلوس بس برده غالية مقارنة بباقي الولايات، بس للأسف في لوس انجلوس انت محتاج عربية ما مفيش مواصلات كويسة زي نيويورك يعني مش بتغطي كل الأماكن، في دراسة بقى اتعملت علشان المرور في سنة 2016 لقوا ان الناس في نيويورك بيقعدوا 89 ساعة في زحمة المرور في السنة بس بقى لوس انجلوس بيقعدوا 104 ساعة في السنة مزنوقين في زحمه المرور.
عيوب كاليفورنيا
او لوس انجلوس تحديدا وهي حرائق الغابات، بس الناس هناك مرتاحين ومرحرحين شويه عن الناس بتوع نيويورك مش مضغوطين شبه نيويورك.
ديزني لاند اتفتحت سنه 1955 واللي عملها والت ديزني، غير ان هي ملاهي كلنا عارفين كده بس هي فيها جيم ومساج وفيها حمامات سباحه هو منتجع، سعر التذكرة للشخص الواحد علشان يدخل 100 دولار.
هوليود
هوليود بقى اللي موجوده في لوس انجلوس هي اهم واكبر مكان لصناعه السينما في العالم هناك بقى في حاجه اسمها ممر المشاهير بتلاقي هناك حاجات تذكاريه كثير وهتلاقي تمثال الاوسكار و هدايا تذكاريه ممكن تجيبها من هناك ممكن تروح يونيفرسال ستوديو ممكن تلاقي حاجات بتتصور وتشوف التصوير بيتصور ازاي والخدع بتتعمل ازاي ممكن برده تروح حاجه اسمها يونيفرسال سيتي ووك ده بقى فيه مطاعم وكافيهات و19 سينما وده عامل بالضبط زي دبي سيتي ووك لو حد راح هناك دي متاخذة منها نسخة بالظبط طبعا بتاعه دبي هي اللي متاخذة نسخه مش العكس لحسن دماغك تروح لبعيد.
الشواطئ المشهورة في كاليفورنيا
هو شاطئ فينيسيا الشاطئ ده عرضه ثلاثه ميل اي حد رايح كاليفورنيا لازم يروح الشاطئ ده.
إرسال تعليق